Uppgötvaðu visku líkamans

Frítt netnámskeið fyrir konur 45+ sem upplifa þreytu, streitu eða svefntruflanir - og vilja

endurheimta orkuna, finna kyrrð og skapa jafnvægi í daglegu lífi á náttúrulegan hátt.

Ef þú hefur tekið þátt áður þá ertu hjartanlega velkomin aftur. Ég hef þróað námskeiðið áfram og bætt við nýjum áherslum og æfingum.

15. 16. og 17. september kl 17.30

Af hverju er líkaminn ekki eins og hann var?

Vaknarðu þreytt – jafnvel þó þú hafir sofið? Áttu erfitt með að sofna eða ná djúpri hvíld?
Finnst þér hugurinn oft vera þokukenndur? Er stundum erfitt að einbeita sér eða ná utan um daginn?
Ertu uppspennt í huga og líkama? Áttu erfitt með að slaka á og ert lengi að ná jafnvægi eftir álag og streitu?
Ertu gjörn á að vera gagnrýnin á sjálfa þig? Finnst þér stundum að það sem þú gerir sé aldrei alveg nóg?
Langar þig að finna aftur ró og léttleika, en veist ekki hvar þú átt að byrja?
...Líkaminn þinn er ekki að bregðast - en hann er að breytast.
Gömlu aðferðirnar virka ekki lengur EN það eru til leiðir sem styðja þig á þessu æviskeiði.

Líkaminn er vitur vera

Álagið og hraðinn sem við búum við kennir okkur oft að hunsa líkamann og setja eigin þarfir til hliðar. Við lærum að líta á líkamann sem eitthvað sem á að virka – og þegar hann gerir það ekki verður hann að verkefni. Eitthvað sem þarf að laga.

En líkaminn er vitur vera og býr yfir meiri visku en við gerum okkur oft grein fyrir.

Þegar við lærum að hlusta dýpra á líkamann í stað þess að berjast við hann, getum við farið að skilja okkur sjálfar á nýjan hátt – og átta okkur á hvað við þurfum núna.

Það sem við förum í gegnum saman

Dagur 1 – Hvers vegna er ég komin úr takti við sjálfa mig?
Hvað er að gerast á miðjum aldri - á breytingaskeiði og á árunum eftir það – og hvers vegna virka gömlu aðferðirnar ekki lengur?
Þú færð innsýn í breytingar á hormónum og taugakerfi sem geta legið að baki svefntruflunum, orkuleysi og skapbreytingum svo að þú getir byrjað að sjá líkamann í nýju ljósi með meiri skilning og mildi gagnvart sjálfri þér.
Dagur 2 – Í hvað fer orkan mín og hvað er líkaminn að reyna að segja mér?
Hvað tekur frá þér orku – og hvað hjálpar þér að endurheimta hana?
Við skoðum hvað getur legið að baki því að þú ert sífellt þreytt, uppspennt eða úr takti – og hvers vegna það er ekki alltaf nóg að hvíla sig meira eða „gera betur“.
Þú lærir að taka betur eftir merkjum líkamans og greina hvað tekur frá þér orku og hvað styður þig.
Þú lærir einfalda leið til að standa með sjálfri þér þegar eitthvað er erfitt – í stað þess að berjast við það sem þú finnur eða láta það taka allt rýmið.
Svo þú getir fundið meiri ró og styrk innra með þér – án þess að allt þurfi að vera komið í jafnvægi fyrst.
Dagur 3 – Að færa viskuna inn í daglegt líf
Hvernig geturðu skapað takt sem tekur mið af þeirri sem þú ert og því sem þú þarft núna?
Á þriðja degi færum við athyglina frá því að skilja yfir í það að velja. Hvað tekur frá þér orku – og hvað nærir þig? Hvað þarf að fá meira pláss í lífi þínu? Hvar þarftu meiri stuðning eða mildi? Og hvað skiptir þig raunverulega máli núna?
Við skoðum hvernig þú getur byrjað að færa það sem þú hefur uppgötvað inn í daglegt líf með litlum, raunhæfum skrefum – og skapa takt sem styður betur við orkuna þína, við taugakerfið og líðan þína.
Þú horfir út um opnar dyr og ferð út með skýrari sýn á það sem þú þarft núna, hvert þú vilt stefna og hvaða fyrstu skref geta stutt þig í að finna þinn eigin takt.

Þetta námskeið er fyrir þig ef...

Þú finnur fyrir þreytu, svefntruflunum, kvíða, heilaþoku eða öðrum breytingum á líðan – og vilt skilja betur hvað er að gerast í líkamanum og hvernig þú getur stutt við þig á náttúrulegan hátt.
Þú telur þig komna yfir breytingaskeiðið en upplifir enn breytingar á líkama eða líðan sem þú átt erfitt með að setja í samhengi – og vilt fá meiri skýrleika.
Þú finnur að það sem áður hjálpaði þér að halda jafnvægi virkar ekki lengur á sama hátt – og ert þreytt á að berjast við líkamann eða gera sífellt meiri kröfur til sjálfrar þín. Þig langar að finna nýjar leiðir sem taka betur mið af þér eins og þú ert núna.
Þú vilt hitta og heyra í öðrum konum sem eru að takast á við svipaðar breytingar – og upplifa að þú sért ekki ein í þessari vegferð.
Þú vilt ekki aðeins losna við einkenni heldur nýta þessi tímamót til að staldra við, hlusta betur á sjálfa þig og skoða hvað þú þarft til að líða vel og blómstra á árunum framundan.

Sæl, ég heiti Guðrún

Ég hef kennt jóga, öndun og heildræna nálgun á heilsu í yfir 30 ár og stutt hundruð kvenna í að finna meiri ró, jafnvægi og sjálfstraust í gegnum líkamsvitund og náttúrulegar leiðir.

Þegar ég nálgaðist fimmtugt fann ég sjálf fyrir mikilli þreytu, svefntruflunum og orkuleysi. Ég áttaði mig ekki strax á því að það sem ég var að upplifa tengdist breytingaskeiðinu.

Sjálfstraustið minnkaði og það sem hafði áður hjálpað mér virtist ekki virka á sama hátt lengur. Um tíma hélt ég að ég yrði einfaldlega að sætta mig við að líða svona.

Smám saman fór ég að skilja betur hvað var að gerast í líkamanum. Ég lærði að hlusta á hann á nýjan hátt, styðja við taugakerfið og skapa mér takt sem tók meira mið af því sem ég þurfti. Ég fór að sýna sjálfri mér aukna mildi, setja mörk og og taka betur eftir því hvernig mér leið í raun og veru.

Ég fór líka að sjá hvernig ég hafði stundum yfirgefið sjálfa mig og líkamann til að halda áfram og standa mig – og lærði smám saman að standa betur með sjálfri mér.

.

Þetta breytti ekki bara líðan minni. Það breytti líka því hvernig ég horfi á þetta tímabil í lífinu - og ég fór að sjá betur þau tækifæri sem í því leynast.

Ég fór að sjá að miður aldur, breytingaskeiðið og tíminn sem fylgir á eftir þarf ekki að vera eitthvað sem við þraukum í gegnum. Þetta getur líka verið upphaf að nýjum kafla sem færir með sér ný tækifæri til þess að blómstra.

Og það er einmitt það sem mig langar að miðla áfram til þín.

Ég hef öðlast meiri skilning á því hvernig líkaminn virkar.

Ég er loksins að sjá mynstrin og átta mig betur á hlutunum.

Helga Ævarsdóttir

Ég var efins um að ég hefði orku til að gera breytingar. En það voru óþarfa áhyggjur.

Kristín Pétursdóttir