Ertu tilbúin að umfaðma nýjan kafla í lífinu full af orku og sjálfstrausti?
Vaknaðu endurnærð og skýr í huga. Lærðu hvað þarf til að blómstra á breytingaskeiði.
Ertu tilbúin að umfaðma nýjan kafla í lífinu full af orku og sjálfstrausti?
Vaknaðu endurnærð og skýr í huga. Lærðu hvað þarf til að blómstra á breytingaskeiði.
Ertu tilbúin að umfaðma nýjan kafla í lífinu full af orku og sjálfstrausti?
Vaknaðu endurnærð og skýr í huga. Lærðu hvað þarf til að blómstra á breytingaskeiði.
Eru uppgefin en samt eins og hengd upp á þráð?
Er þér stundum heitt og kalt nánast á sömu mínútu?
Ertu að bilast á svitaköstum, lélegum svefni og framtaksleysi?
Ertu vön að vera orkumikil og framtakssöm og hefur núna bara rétt svo orku fyrir vinnuna og ekki mikið meira en það?
Ertu með kvíða fyrir því að fara út á meðal fólks og fyrir hlutum sem áður voru ekkert mál?
Áttu erfitt með að njóta þess sem áður var ánægjulegt - jafnvel fjölskyldustundir?
Finnst þér stundum að þú sért búin að týna sjálfri þér?
Verð ég einhvern tíma aftur eins og ég var?
Þetta er spurning sem ég heyri oft hjá konum á breytingaskeiði. Þessi tími snýst nefnilega ekki bara um hitakóf. Hann snýst líka um að horfa í spegilinn og þekkja ekki konuna sem við sjáum...
Konuna sem gleymdi að hún átti að mæta á mikilvægan fund, sem man ekki orðin sem hún ætlaði að fara að segja, sem frestar einföldustu hlutum. Sem er viðkvæm og stutt í tárin og jafnvel brestur í grát yfir engu. Eða sem missir þolinmæðina og rýkur upp án þess að hafa séð það fyrir. Sem er búin að missa alla kynlöngun.
Konuna sem áður hafði kjark og áræði en sem er núna farin að vantreysta sjálfri sér í nýjum aðstæðum. Sem á allt í einu erfitt með að höndla margmenni.
Það er ekkert skrýtið þó við förum að velta því fyrir okkur hvort þetta verði bara alltaf svona.
Þegar við stöndum frammi fyrir ófyrirsjáanlegum einkennum breytingaskeiðsins
er auðvelt að gefast upp og finnast við ekki geta gert neitt.
Ég þekki vel og veit að þetta getur verið erfiður tími.
En ég er hér til að segja þér að það er heilmargt sem þú getur gert til að bæta líðan þína og draga úr einkennum á náttúrulegan hátt.
Ef þú þráir að komast aftur í jafnvægi, innri sátt og vellíðan án þess að grípa til skyndilausna, hormóna eða lyfja - þá ertu ekki ein. Margar konur dreymir um að finna heildræna leið til að komast vel í gegn um tíðahvörf.
Í dag vitum við að breytingaskeiðið er ekki hnignun heldur nýr kafli í lífinu. Sem kallar á nýjar leiðir.
Þetta ár getur verið árið sem þú endurstillir líkamann og gerir breytingaskeiðið að tækifæri en ekki hindrun.
Ef þér finnst lífið vera í biðstöðu, þá er kominn tími til að gera eitthvað. Ég þekki það af reynslu að það er til leið út úr þokunni ef þú ert með réttan stuðning.
Ef þú veist hvað þú ert að glíma við, verður auðveldara að höndla hlutina.
Sjáðu fyrir þér
Að vakna útsofin
Að vita hvað líkaminn þarf til að vera í jafnvægi
Að finnast þú tilheyra líkama þínum á ný
Að endurheimta gleðina og hæfileikann til að hlakka til
Að vera ekki alltaf með útþaninn kvið og byrja að léttast aftur
Að geta treyst minninu
Að hafa skýrari sýn og vera sáttari við framtíðina
Einkennalaust breytingaskeið er mögulegt
Mig langar að sýna þér hvernig þú kemst þangað.
Blómstraðu á breytingaskeiði
12 vikna ferðalag úr þreytu og (heila)þoku í innri kyrrð og aukinn kraft
Ég bjó til þetta námskeið fyrir konur sem eru að glíma við breytingaskeiðið til að sýna að það er hægt að blómstra á þessu mikilvæga skeiði lífsins.
Það er hannað sérstaklega fyrir konur sem vilja kynnast náttúrulegum leiðum til að höndla einkenni. Fyrir konur sem vilja vaxa og finna jafnvægi milli fjölskyldu, vinnu og sjálfsræktar.
Blómstraðu á breytingaskeiði býður upp facá heildræna nálgun fyrir konur á breytingaskeiði ólíkt öðrum námskeiðum þar sem fókusinn er bara á einkennum eins og hitakófi eða þyngdaraukningu. Á þessu námskeiði skoðum við ekki aðeins leiðir til að takast á við líkamleg einkenni breytingaskeiðsins heldur líka til að næra andann og skapa tilfinningalegt jafnvægi. Og til að takast á við þessa stóru umbreytingu sem breytingaskeiðið er. Svo þú getir komið út sterkari en nokkru sinni fyrr.
Umfaðmaðu þennan nýja kafla í lífinu með náttúrulegum lausnum sem styðja við alla þætti lífsins og við þá umbreytingu sem breytingaskeiðið kallar á.
Hvernig sérðu fyrir þér framtíðina?
Það góða við breytingaskeiðið er að það fær okkur til þess að endurskoða líf okkar. Fyrir margar okkar eru einkennin áminning um að skoða lífsstíl okkar, sambönd, starfsferil og streituvalda.
Og til að endurskoða alla þætti lífsins. Erum við hamingjusamar?
Meðalaldur breytingaskeiðs er 51 ár. Meðallífslíkur kvenna á Íslandi eru 84 ár. Þá gætum við átt eftir minnst 30 ár. Einn þriðja ævinnar. Hvernig viltu hafa lífið næstu árin og áratugina?
Sæl, ég heiti Guðrún
Ég hef starfað í um 30 ár við að styðja aðra á leið til bættrar heilsu. Ég hef kennt jóga og öndun í um 20 ár og hef útskrifað yfir 200 nemendur úr jógakennaranámi þar sem við förum líka í lífsstíl og mataræði og þar sem nemendur fara í gegn um djúpa umbreytingu. Ég starfa auk þess sem markþjálfi og kenni aðferðir til að hlusta á visku líkamans.
Ég hef haldið fjölda námskeiða um breytingaskeiðið, jóga og hugleiðslu fyrir fullorðna og börn, íföndun og tilfinningavinnu, samskipti og sambönd, streitulosun, fyrirgefningu og líkamsvitund svo eitthvað sé nefnt.
En þrátt fyrir alla mína reynslu af heildrænni heilsu kom breytingaskeiðið mér í opna skjöldu eins og svo mörgum konum. Lengi vel leið mér eins og ég hefði misst stjórn.
Svefninn truflaðist
Það varð erfiðara að slaka á
Ég fór að finna fyrir ýmis konar fæðuóþoli, bólgum og sýkingum
Hugurinn varð þokukenndur og ég átti erfiðara með að einbeita mér
Ég reyndi ýmislegt en ekkert virtist hjálpa. Ég var farin að halda að ég þyrfti bara að sætta mig við þetta ástand. Jafnvel ég með alla mína þekkingu á heildrænni heilsu hafði mínar efasemdir um það að nokkrar breytingar á lífsstíl myndu duga á þessi sterku einkenni.
Á endanum fann ég þá hjálp og hvatningu sem ég þurfti til að gera nauðsynlegar breytingar á lífsstíl og mataræði OG til þess að halda þær út nægilega lengi til að finna mun. Ég fór að skoða mín fræði og breytingaskeiðið bæði út frá vestrænni og austrænni hugmyndafræði. Það hjálpaði mér við að tengja hlutina saman og sjá hvað væri mikilvægt.
Ég fór að tengja betur við líkamann og finna taktinn. Ég fór að skilja hvað ég þurfti til að líða betur og gefa mér meira rými fyrir sjálfa mig.
Það var mikill léttir að finna að ég gæti treyst líkamanum og að ég hefði það sem til þarf til að fá orkuna mína til baka.
Ég veit af reynslu að breytingaskeiðið kallar á breiðvirka nálgun. Á þessu námskeiði deili ég því sem hefur virkað fyrir mig og margar aðrar konur í gegn um þetta mikilvæga æviskeið.
Ég var að glíma við svefntruflanir, kvíða, þreytu, heilaþoku og hitakóf. Ég var efins um að ég hefði orku til að gera breytingar en það voru óþarfa áhyggjur.
Það var magnað að uppgötva líkamsgerðina mína og hversu mikið það að þekkja hana getur hjálpað mér í daglegu lífi. Ég vissi ekki að mataræði hefði svona mikil áhrif á breytingaskeiðið.
Ég hugsa meira um líðan mína í stað þess að setja alla aðra í fyrsta sæti. Öndunaræfingarnar hjálpa mér að slaka á og veita mér vellíðan.
Það var ómetanlegt að vera umkringd konum í sömu stöðu, fá svör við spurningum sem mér lágu á hjarta og finna stuðning í hópnum. Hóptímarnir voru gott aðhald.
Ég er rólegri, meira í núinu og samviskubitið gagnvart því að sinna ekki öllum öðrum á undan mér hefur minnkað.
Ég hef fundið fyrir minni streitu. Ég hef oftar upplifað þakklæti og verið meira sjálfri mér nóg.
Ég skil breytingaskeiðið miklu betur og veit nú hvað ég get gert til að minnka einkennin – bæði líkamlega og andlega. Ég mæli heilshugar með þessu námskeiði!
Kristín Pétursdóttir
Ég er í streitusamri vinnu og finn hvernig hugleiðsla gefur mér slökun. Mér finnst hugurinn hafa róast og ég er með verkfæri til að stilla hann af. Áhugi minn á jóga og hugleiðslu er kominn til að vera. Það er frábært að setja sér markmið og skrá það niður, ég er komin með jóga-horn hér heima. Ég er að verða háð þessu!
Það að þekkja líkamsgerðina mína eykur skilning minn á því sem ég þarf.
Ég er mjög ánægð með uppskriftirnar og hef verið að elda eftir þeim.
Þetta námskeið er svo heimilislegt, það er ekkert stress sem fylgir því, eingöngu notalegheit og góð fræðsla.
Frábært námskeið í alla staði og gott að geta tekið þetta á manns eigin hraða,. Fyrirlestrar og umræðutímar að eigin vali.
Bestu þakkir fyrir mig.
Þórey Jónsdóttir
Ég hef verið að glíma við mjög slæmar svefntruflanir, hitakóf og krónískar bólgur í líkamanum. Ég keyrði á vegg fyrir nokkrum árum. Svitaköstin voru hræðileg. Svefngæði og úthald/orka yfir daginn hafa verið í lágmarki. Ég fór á hormón og þau hjálpa en þau leysa alls ekki allt.
Að taka þátt í námskeiðinu gerði það að verkum að ég lít breytingaskeiðið jákvæðum augum og er nú með fullt af verkfærum í kistunni til að styðja við þessa vegferð.
Námskeiðið hjálpar mér að gera þær breytingar sem þarf. Ég finn strax mun þegar ég fer eftir því sem þú ráðleggur.
Hugleiðslan sem þú ert með er öðruvísi en ég hef verið að gera. Hún gerir mikið. Eins og maður sé að losa sig við drasl.
Guðrún hefur einstakt lag á að hvetja mann áfram á jákvæðan og skilningsríkan hátt. Námskeið sem eg mæli með fyrir allar konur.
Fjóla Héðinsdóttir
Þetta námskeið er fyrir þig...
Ef þú ert að finna fyrir einkennum breytingaskeiðsins eða vilt koma þér í gott jafnvægi og fyrirbyggja einkenni.
Ef þú vilt öðlast meiri skilning á því hvað þú þarft til að fara vel í gegn um þennan tíma og fá stuðning og verkfæri til að raða saman brotunum, bæta orkuna og finna jafnvægi.
Ef þú ert tilbúin að stíga lítil skref smátt og smátt til að næra eigin heilsu.
Ef þú vilt vera hluti af samfélagi kvenna og heyra hvernig aðrar konur takast á við þennan tíma, sækja þér stuðning og finna að þú tilheyrir.
Ef þú finnur fyrir þrá eftir dýpra sambandi við sjálfa þig, lífið og aðrar manneskjur.
Námskeiðið er ekki fyrir þig ef...
Þú ert að leita að skyndilausnum án þess að vilja taka skref í átt að auknum þroska og bættri heilsu
Þú ert ekki opin fyrir því að gera (litlar) lífstílsbreytingar og prófa eitthvað nýtt
Þetta er hægt...
Það eina sem hindrar okkur í að ná árangri eru okkar eigin hugmyndir um okkur sjálfar og takmörk okkar eða tækifæri
Bara þú getur gert alvöru úr markmiðunum þínum.
Það sem þú lærir námskeiðinu Blómstraðu á breytingaskeiði
Jafnvægi og stöðugleiki
Hormónaheilbrigði
Hormónapíramídinn
Láttu venjurnar þinar vinna fyrir þig.
Innkaupalisti og uppskriftir
Náttúrulegar lausnir fyrir
heilaþoku, hitakóf og nætursvita
Melting og mataræði
Líkamsgerðin þín.
Mataræði og lífsstíll fyrir aukna orku
Melting, hormón og breytingaskeiðið
Næring fyrir heilann og einbeitingu
Náttúrulegar lausnir fyrir:
Verki og þyngdaraukningu um miðjuna
Endurnýjun og innri ró
Slökun og sjálfsdekur
Svefn og vellíðan
Finnum orkunni farveg
Töfrar fyrir taugakerfið
Öndun og endurnýjun
Náttúrulegar lausnir fyrir:
Kvíða og streitu
Alúð, sjálfsmildi og sjálfstraust
Að takast á við breytingar
Innri gagnrýni og sjálfsmildi
Tilfinningar og tilfinningasvengd
Taktu heiminn af herðum þér
Þín áætlun fyrir blómstrandi breytingaskeið
Náttúrulegar lausnir fyrir:
Þunglyndi og skapsveiflur
Verkfæri sem styðja þig
Vikulegir fyrirlestrar sem hjálpa þér að öðlast betri skilning á því sem þú ert að glíma við. og sem styðja við þetta djúpa ferðalag sem breytingaskeiðið er.
Verkfæri til þess að hjálpa þér að takast á við einkennin , bæði í gegn um einfaldar breytingar á mataræði og lífsstíl og fræðslu um jurtir og bætiefni sem geta stutt við þig.
Öndunaræfingar vikulega. Og jógaiðkun fyrir þær sem vilja. Iðkun sem styrkir og nærir huga og líkama og lyftir andanum.
Spjall um hugarfar og það hvernig þú vilt hafa lífið og framtíðina.
Stuðningur og samfélag kvenna á sömu vegferð. Þú þarft ekki að fara í gegn um þetta ein. Það ætti engin kona að þurfa að ferðast ein í gegn um breytingaskeiðið. Við þurfum félagsskap annarra kvenna.
Hér færðu þann stuðning sem þú þarft til að blómstra
Ég er að glíma við taugasjúkdóm og hef notað æfingarnar mikið þegar einkennin eru mikil hjá mér. Þegar ég hef gert jóga og öndunaræfingarnar þá hefur það klárlega áhrif og mér líður miklu betur.
Ég er búin að upplifa meiri yfirvegun, ró og betri stjórn á skapinu mínu
. Ég er orðin liðugri sem er frábært. Ég skil líka betur hvað streita hefur miklar afleiðingar og hversu gott það er að ná henni niður.
Ég komst að því hversu gott það er að iðka allskyns öndunaræfingar og jógaæfingar. Ég er búin að upplifa mikið af góðum tilfinningum síðastliðinn mánuð.
Þetta námskeið hefur aukið skilning minn á því hvað það er að vera kona og hvernig best er að komast á réttan hátt í gegn um breytingarskeiðið
Takk fyrir mig! Mér fannst þetta námskeið frábært. Ég er búin að læra fullt sem ég mun taka með mér út í lífið. Bestu þakkir fyrir allt.
Íris Marí Kristrúnardóttir
Það er erfitt að átta sig á að þau verkefni sem fylgja uppeldi og að koma sér fyrir er að mestu lokið og að það er enginn sem tekur stóran hluta af þínum tíma.
Það sem ég finn mestan mun á er að ég er mun rólegri og afskappaðri. Finn líka fyrir mikilli gleði og spenningi. Það er eitthvað sem hefur breyst.
Ég gaf mér svigrúm og tækifæri til að hafa mig framar í forgangsröðunni.
Mér finnst æfingarnar frábærar á morgnanna og öndun skiptir miklu máli.
Guðrún var frábær leiðbeinandi og gaf sig alla í þetta. Svo hvetjandi, vel undirbúin og jákvæð.
Frábært námskeið og hverjar krónu viðri. Takk innilega fyrir mig
Hrefna Zoega
Ég fann til að byrja með betur fyrir því hvað ég hef verið út og suður með hugann og nánast alltaf i viðbragðsstöðu
Ég finn að öndunaræfingarnar gera mér mjög gott.
Hugsunin hefur breyst og ég hlusta betur á líkamann. Ég tek meira tillit til sjálfrar mín þegar er mikið álag.
Það er bara svo margt gott og fallegt við námskeiðið sem vekur mig til umhugsunar, bæði um mig og lífið almennt. Breytingaskeiðið er þvílíkt breytingaskeið sem tekur tíma að vinna úr.
Námskeiðið er ferðalag inn á við 🩷 Vel uppsett námskeið og góðar leiðbeiningar að fara eftir. Mæli með.
Katrín Malmquist Karlsdóttir
Við erum ekki að tala um neinar skyndilausnir
Heldur að koma heilsunni og orkunni í góðan farveg og fara að njóta þessara dýrmætu ára.
En ertu tilbúin?
Það er til tilvitnun í Hugh Laurie þar sem hann segir "Mér finnst það hræðileg synd að bíða þangað til þú ert tilbúin. Það er ekki til neitt sem heitir að vera tilbúinn. Það sem er til er bara hér og nú. Og það er kannski alveg eins gott að gera hlutina núna. Svona almennt þá er núna bara nokkuð góður tími".
Þegar við segjum að við séum ekki tilbúin þá eru oft ótti og fullkomnunarárátta kraumandi undir niðri. Ótti við að mistakast, ótti við að vera ekki nógu góð, ótti við að vera dæmd, ótti við að eitthvað verði of mikið.
En það er líka eitthvað spennandi við það að taka stökkið. Að trúa á sjálfa sig, áður en rökhugsunin tekur yfir.
En jafnvel þó rökhugsunin nái yfirhöndinni, þá myndi hún líklega styðja þig. Hún myndi líklega hafa orð á því að það að næra líkamann og koma jafnvægi á hormónin og heilsuna, með stuðningi samfélags sem vill líka gera það sama, sé kannski ekki svo vitlaus hugmynd.
Algengar spurningar
Hvernig er uppbygging námskeiðsins?
Námskeiðið er sex lotur. Hver lota er tvær vikur og með fókus á mikilvæga þætti eins og taugakerfið, hormónaheilbrigði, mataræði, hvíld og tilfinningalega vellíðan. Hver lota inniheldur fyrirlestra, verklegar æfingar og stuðning til að innleiða breytingar smám saman.
Hversu miklum tíma þarf ég að verja í námskeiðið í hverri viku?
Það tekur um 1-2 tíma í hverri viku að horfa á myndböndin, ljúka æfingum og íhuga efni hverrar lotu. Námskeiðið er hannað til að passa inn í annasamt líf, og með breytingum sem þú getur innleitt á þínum hraða.
Þarf ég að hafa einhverja reynslu af jóga eða heildrænni nálgun?
Nei, engin fyrri þekking er nauðsynleg! Námskeiðið er opið öllum og ég gef góðar útskýringar svo þú getir aðlagað hlutina að þér og þínum þörfum
Get ég óskað eftir styrk frá mínu stéttarfélagi?
Já flest stéttarfélög styrkja námskeiðið. Það getur bæði fallið undir sjálfshjálparnámskeið, hreyfingu og fleiru í þá áttina.
Hvað ef ég get ekki tekið þátt á zoom, ef ég missi af viku eða verð á eftir?
Zoom tímarnir eru teknir upp svo þú getur horft eftirá. Námskeiðið er sveigjanlegt og þú getur alltaf nálgast efnið á þínum tíma. Markmiðið er að ná árangri, ekki fullkomnun!
Hvernig er þetta námskeið frábrugðið öðrum námskeiðum fyrir konur á breytingaskeiði
Blómstraðu í breytingaskeiðinu er einstakt með heildrænni nálgun sinni, þar sem þú lærir að greina þína líkamsgerð og færð ráð sem eru sérstaklega miðuð við breytingaskeiðið. Námskeiðið er einstök blanda af fræðslu, iðkun og persónulegum stuðningi til að gera breytingarnar auðveldari og afslappaðri. Og með áherslu á raunverulegar breytingar á 12 vikum.
Er stuðningur í boði allan tímann á meðan á námskeiðinu stendur?
Já. Þú hefur aðgang að samfélagi þar sem þú getur deilt reynslu þinni og fengið stuðning. Einnig verða tækifæri til að spyrja spurninga og fá sérstakar leiðbeiningar frá mér.
Þarf ég að fylgja ströngum reglum í sambandi við mataræði?
Það eru engar strangar mataræðisreglur. Námskeiðið veitir frekar leiðbeiningar um mat sem eflir orku, stuðlar að hormónajafnvægi og bætir meltingu út frá heildrænni nálgun. Þú færð hvatningu til að gera breytingar sem henta þér á þínum forsendum. Þú lærir að þekkja þína líkamsgerð og yfirleitt eru ráðin fyrir þína líkamsgerð líka eitthvað sem þú sækir í eðlislægt.
Get ég tekið þátt í námskeiðinu ef ég er á hormónameðferð?
Já, námskeiðið er hannað til að vera styðja við aðrar leiðir, þar með talið hormónameðferð. Við leggjum áherslu á heildræna nálgun og lífsstíl sem styður við þig á þinni vegferð
Breytingaskeiðið er ekki hindrun heldur tækifæri
Það sem við gerum fyrir okkur sjálfar gefur okkur möguleika á að eiga gott og spennandi líf. Við þurfum bara að gera nokkrar breytingar. Og NÚNA er rétti tíminn til þess.
Heilsan er okkar auður. Og meira eftir því sem við eldumst. Blómstraðu á breytingaskeiði er fjárfesting í heilsunni.
Okkar hlutverk á þessu stigi lífsins er að kynnast líkamanum betur og hlusta dýpra. Við erum búnar að eyða löngum tíma ævinnar í að þjóna öðrum, jafnvel á kostnað okkar eigin heilsu.
Breytingatímabil kalla á stuðning. Stuðning við að komast í gegn um umbreytinguna og finna nýja leið áfram.
Ég býð þér með mér í ferð þar sem við skoðum hvað þú þarft til að létta á einkennunum og blómstra á breytingaskeiði.
Kemurðu með?
